Wenn kalt d´r Wind ums Haus ´rom pfeift, wenn´s kebalat und schneit,

wenn´s Sauerkraut und Blutwurscht schmeckt, isch d´ Fasnet nemme weit.

Und wenn verwacht da Bauzemeck, ins Ort rei´kommt vom Riad,

dann setzat Narra Maska auf und singat ´s Bauze-Liad:

Singat, lachat, werfat eire Sorga weg,

Tanzat, juckat mit ´em Bautze-Meck!

 

Dem Schultes nimmt ma d´Schlüssel weg, denn dem sei Zeit isch rom,

beim Narrabrunna setza mr an bunta Narrabaum

Dia Seerösla und Hensala und Hexa gant koi Ruah,

sie tanzat om d´r Bauze rom, und d´Musik spielt dazua:

Singat, lachat, werfat eire Sorga weg,

Tanzat, juckat mit ´em Bautze-Meck!

 

Des Reismateis und´s Zipperle, des spür i jetzt it meh´,

denn wenn mei Häs i dana hau, dann duat mir nix mehr weh!

I bleib an Narr solang i leb, solang i kreisa ka,

und wenn i amol g´storba bin, sing i vo´ oba ra:

Singat, lachat, werfat eire Sorga weg,

Tanzat, juckat mit ´em Bautze-Meck!